"Inter" muxlislari himoyachi Milan Shkrinyarning sotilishi mumkinligi haqidagi ma’lumotlardan norozi, deb xabar beradi Calciomercato.
"Neradzurri ultras" vakillari klub ofisi oldiga shunday yozuv yozilgan bannerni osib qo‘yishdi: "Aniq qoidalar uzoq muddatli do‘stlikka yordam beradi. Shkrinyarga tegmang."
Oldinroq 27 yoshli slovakiyalik futbolchiga "PSJ"dan qiziqish bildirilgani haqida xabarlar tarqalgan edi.
2021/22 yilgi mavsumda Shkrinyar “Inter” safida 48 ta o‘yinda maydonga tushib, 4 ta gol urdi. Himoyachining klub bilan amaldagi shartnomasi 2023 yilning iyun oyi oxirigacha amal qiladi.
