"Lasio" yarim himoyachisi Luis Alberto klubdan uni sotishni so‘ramoqda, deya xabar beradi jurnalist Alfredo Pedulla.
Avvalroq, 29 yoshli ispaniyalik futbolchiga "Sevilya" va "Valensiya" klublari qiziqish bildirgandi.
Manbaga ko‘ra, "Lasio" rahbarlari bu transferga qarshi emaslar va yarim himoyachi uchun 25 million yevro narx belgilagan. Bitimning 30 foizi yarim himoyachining 2016 yilda mersisaydliklar klubidan o‘tishi paytidagi kelishuv doirasida "Liverpul"ga tushadi.
Luis Alberto "Sevilya" tarbiyalanuvchisi.
O‘tgan mavsumda u 44 o‘yinda maydonga tushib, 5 gol urdi va 12 golga assistentlik qildi. Yarim himoyachining “Lasio” bilan shartnomasi 2025 yilning iyunigacha amal qiladi.
