“Udineze” safida Italiya chempionatida o‘ynaydigan himoyachi Nauel Molina faoliyatini Ispaniya La Ligasida davom ettirish imkoniyatiga ega.
Insayder Janluka di Marsio xabariga ko‘ra, futbolchining transferiga Madridning "Atletiko" klubi qiziqish bildirmoqda. “Matraschilar” bu borada Italiya tomoni bilan muzokaralarga kirishgan. Jarayon ijobiy ketmoqda, Molinaning Madridga transferi yaqin kunlarda ko‘rib chiqilishi mumkin.
O‘tgan mavsumda Nauel Italiya chempionatining 35ta o‘yinida qatnashib, 7ta gol urgan.