Portugaliya terma jamoasi va "Manchester Yunayted" hujumchisi Krishtianu Ronaldu "Barselona"ga o‘tishi mumkin edi, deb yozadi jurnalist Ben Jeykobs o‘z tvitterida.
Manbaga ko‘ra, futbolchining agenti Xorxe Mendesh Kataloniya klubi rahbariyati bilan muzokara olib borgan va unga mijozi bilan shartnoma imzolashni taklif qilgan. Vaholanki, “Barselona” dastlab 33 yoshli Robert Levandovskini transfer qilishni maqsad qilgan edi. Natijada polyak "Barsa" lageriga ko‘chib o‘tdi va kataloniyaliklar Ronaldu bilan bo‘lgan variantdan voz kechdi.
37 yoshli Ronaldu o‘tgan mavsumda barcha turnirlarda 39 ta o‘yinda maydonga tushib, 24 ta gol urdi va 3 ta golga assistentlik qildi. Uning "Manchester Yunayted" bilan shartnomasi 2023 yilning yoziga qadar mo‘ljallangan.
