Португалия терма жамоаси ва "Манчестер Юнайтед" ҳужумчиси Криштиану Роналду "Барселона"га ўтиши мумкин эди, деб ёзади журналист Бен Жейкобс ўз твиттерида.
Манбага кўра, футболчининг агенти Хорхе Мендеш Каталония клуби раҳбарияти билан музокара олиб борган ва унга мижози билан шартнома имзолашни таклиф қилган. Ваҳоланки, “Барселона” дастлаб 33 ёшли Роберт Левандовскини трансфер қилишни мақсад қилган эди. Натижада польяк "Барса" лагерига кўчиб ўтди ва каталонияликлар Роналду билан бўлган вариантдан воз кечди.
37 ёшли Роналду ўтган мавсумда барча турнирларда 39 та ўйинда майдонга тушиб, 24 та гол урди ва 3 та голга ассистентлик қилди. Унинг "Манчестер Юнайтед" билан шартномаси 2023 йилнинг ёзига қадар мўлжалланган.
