"Manchester Yunayted"ning sobiq yarim himoyachisi Jessi Lingard "Nottingem Forest"ga o‘tdi. Bu haqda 21 iyul kuni ingliz klubi rasmiy sayti xabar berdi. Futbolchi bilan shartnoma bir yilga tuzilgan.
29 yoshli Lingard 2022 yilning 1 iyulida “Manchester Yunayted”ni tark etdi. O‘tgan mavsumda angliyalik yarim himoyachi "qizil iblislar" safida 21 ta o‘yinda maydonga tushib, 2 ta gol urdi va 1 ta golli uzatmani amalga oshirdi.
2022/23 yilgi mavsumda "Nottingem Forest" Premmer-ligada o‘ynaydi. Klub 1999 yildan beri birinchi marta APLga qaytdi.