"Манчестер Юнайтед"нинг собиқ ярим ҳимоячиси Жесси Лингард "Ноттингем Форест"га ўтди. Бу ҳақда 21 июль куни инглиз клуби расмий сайти хабар берди. Футболчи билан шартнома бир йилга тузилган.
29 ёшли Лингард 2022 йилнинг 1 июлида “Манчестер Юнайтед”ни тарк этди. Ўтган мавсумда англиялик ярим ҳимоячи "қизил иблислар" сафида 21 та ўйинда майдонга тушиб, 2 та гол урди ва 1 та голли узатмани амалга оширди.
2022/23 йилги мавсумда "Ноттингем Форест" Премmер-лигада ўйнайди. Клуб 1999 йилдан бери биринчи марта АПЛга қайтди.