Madridning “Atletiko” klubi sobiq hujumchisi Luis Suares faoliyatini Urugvay chempionatida davom ettirishi mumkin. 35 yoshli urugvaylik futbolchi 1 iyuldan boshlab erkin agent maqomida bo‘lib turibdi.
Jurnalist Rodri Vaskesning so‘zlariga ko‘ra, forvard o‘zi tarbiyalanuvchisi bo‘lgan “Nasional”ga qaytadi. 2006 yilda u klubni tark etib, Yevropaga ko‘chib o‘tdi.
Suares o‘tgan mavsumda barcha turnirlarda 45 ta o‘yinda maydonga tushib, 13 ta gol urdi va 3 ta golga assistentlik qildi.