Bugun ertalab "Fiorentina"ning rossiyalik hujumchisi Aleksandr Kokorin jamoaning Moena shahridagi yig‘iniga yetib keldi.
Bugun va ertaga jamoa ikkita sinov o‘yini o‘tkazadi va 24 iyul kuni Florensiyaga qaytadi.
Kokorin individual dastur ustida ishlamoqda va keyingi ikki uchrashuvda maydonga tushmaydi. Jamoaning ikkinchi yig‘ini 27 iyul kuni Avstriyada boshlanadi, hujumchi unda ishtirok etishi shart.
Oldinroq rossiyalik futbolchi koronavirus tufayli klub yig‘inini o‘tkazib yuborgani haqida xabar berilgandi.
O‘tgan mavsumda 31 yoshli forvard "Fiorentina" safida 7ta o‘yinda qatnashib, gol ura olmagan. Rossiyalik futbolchining Italiya klubi bilan shartnomasi 2024 yilning iyun oyi oxirigacha tuzilgan.