Urugvaylik hujumchi Darvin Nunyes “Liverpul” va "Kristal Pelas"ga qarshi mavsumoldi o‘yinlarida darvoza tomon birorta aniq zarba bera olmadi va 75 millionni oqlamagandek taassurot qoldirayotgan edi. Klopp esa hammasini adaptasiya bilan bog‘ladi. Ammo kecha katta sahnaga o‘rtoqlik o‘yinlari orasidagi bir haftalik mashg‘ulotdan chiniqqan butunlay boshqacha Darvin chiqdi. Birinchi bo‘limdan so‘ng “Liverpul” 1:0 hisobida oldinda edi – Saloh Firminoning uzatmasidan so‘ng gol urdi. Urugvaylik futbolchi tanaffus vaqtida braziliyalik hujumchini almashtirdi. Luis Diasning ishlab bergan penaltisini Saloh aynan Nunyesga qoldirdi va buni urugvaylik muvaffaqiyatli amalga oshirdi. Darvin unchalik ishonchli bo‘lmasa ham, gol urdi.
Oradan bir-ikki daqiqa o‘tib Trent urugvaylik futbolchini yakkama-yakka holatga olib chiqdi - Darvin to‘pni uzoq burchakka darvozabon yonidan o‘tkazib yo‘llab qo‘ydi. Yosh yarim himoyachi Stefan Baysetich (Fabinyo o‘rniga) jarima maydonchasiga bosim o‘tkazdi va Nunyes bo‘sh joyga chiqib bordi va xet-trik rasmiylashtirildi. Yakunda Darvin yana gol urdi, bu safar Fabio Karvalyu aqlli pasni amalga oshirdi. Portugaliyalik yosh deyarli hamma narsani o‘zi bajardi: maydon markazida uni o‘ylab topdi, darvoza tomon yugurdi va hujumga yugurdi.
“Liverpul”ning Yutubdagi rasmiy kanali darhol Nunyesning to‘rtta golidan bir qismini yukladi.
Ha, “Leypsig”ning ikkinchi darvozaboni Yanis Blasvichning ikkinchi bo‘limda maydonga tushgani Darvinga katta yordam berdi: u penaltini tepdi va so‘nggi golda ham jamoasini qutqara olmadi. Boshqa tomondan, posbon Nunyesning boshi bilan bergan ajoyib zarbasini qaytardi - bu futbolchini penta-trik qayd etishdan saqlab qoldi.
Yurgen Klopp hujumchi Darvin Nunyesning "RB Leypsig" darvozasiga urgan to‘rtta goli haqida fikr bildirdi.
“Hammamiz o‘ylaymizki, agar futbolchi ko‘p pul olsa, demak u bosimni his qiladi. Biroq ular biz kabi oddiy odamlar, ular robot emas. Nunyes bugun tanqidchilarining "og‘zini yopdi".
Futbolchilarning yangi avlodi ijtimoiy tarmoqlarda qolishadi, ular haqida yozilgan hamma narsani o‘qishadi va aslida bu ular uchun unchalik muhim bo‘lmasligi ham mumkin. Ammo bu hayot haqiqati”, - deydi Klopp.
"Qizillar" bosh murabbiyi Nunyesning ushbu o‘yini futbolchi haqidagi tanqidlarni to‘xtatishning eng yaxshi usuli ekanligini aytdi.
Bundan tashqari Yurgen Salohni maqtadi: "Uning shartnomasida qanchalik sodiqligi yozilgan, bilmayman, lekin u Darvinga penalti berdi!" Bu unga bo‘lgan hurmatimni oshirdi. Bir necha kundan so‘ng Nunyes o‘z muvaffaqiyatini mustahkamlash imkoniyatiga ega bo‘ladi - Avstriyada "Red Bull Zalsburg"ga qarshi sinov o‘yini o‘tkazadi. 30 iyul kuni "Liverpul" mavsumni Angliya Superkubogi doirasida "Manchester Siti"ga qarshi o‘yin bilan ochadi.
