"Manchester Yunayted" darvozaboni David de Xea jamoaning o‘tgan mavsumdagi omadsizligini esladi. Ispaniyalik futbolchi klub yangi mavsumda yaxshiroq o‘yin ko‘rsatishiga umid qilmoqda.

“Jamoa uchun nihoyatda og‘ir mavsum bo‘ldi. Biz natijadan juda xafamiz. Ba’zi o‘yinlarni falokat deb atash mumkin.

Bu mavsumdan saboq olishimiz kerak, bu boshqa takrorlanmasligi kerak. Ammo ba’zida siz og‘riqni ham his qilib turishingiz kerak, keyin o‘rnidan turib, oldinga intilish kerak", - deydi darvozabon.

O‘tgan mavsumda “qizil iblislar” APL turnir jadvalida bor-yo‘g‘i oltinchi o‘rinni egallagan edi. Bu natija tufayli jamoa Chempionlar ligasiga chiqa olmadi.