Portugaliya terma jamoasi bosh murabbiyi Fernandu Santush "Manchester Yunayted" hujumchisi Krishtianu Ronaldu qachon futbolchilik faoliyatini yakunlashga tayyor bo‘lishi haqidagi fikrlari bilan o‘rtoqlashdi.
Santushning fikricha, forvard 40 yoshga to‘lgunga qadar o‘ynay oladi.
“Qandaydir paytda u o‘zining ahvoli avvalgidek emasligini his qiladi. U endi o‘sha Ronaldu bo‘la olmasligini tushunsa, faoliyatini yakunlaydi", - dedi Santush TIVI24 bilan suhbatda.
O‘tgan mavsumda 37 yoshli Ronaldu "mankunianliklar" safida 37 ta o‘yin o‘tkazib, 24ta gol urgan va 3ta golga assistentlik qilgan.
Oldinroq portugaliyalik forvard jamoasi bilan mavsumoldi turga bormagani va «Manchester Yunayted»ni tark etishga yaqin turgani haqida xabar berilgandi.
