"Braga" vingeri Rojer Fernandesh "Atletiko"ning e’tiborini tortdi, deb xabar beradi A Bola.
Ispanlar yaqin kunlarda futbolchi uchun taklif bilan chiqishlari kutilmoqda. "Braga" uni 40 million yevroga baholamoqda, ammo "matraschilar" shartnomaga uchta futbolchini kiritmoqchi, ulardan biri ijaraga beriladi.
"Braga" allaqachon "Borussiya Dortmund" va "Ayaks" takliflarini rad etgan, "Nyukasl" ham unga qiziqish bildirishmoqda.
Fernandesh Portugaliya chempionati, kubogi va superkubogi tarixidagi eng yosh debyutant, shuningdek, "Braga" tarixidagi eng yosh gol muallifi hisoblanadi. O‘tgan mavsumda u 28 ta o‘yinda 8 ta gol urdi va 1 ta golli uzatmani amalga oshirdi.