"Брага" вингери Рожер Фернандеш "Атлетико"нинг эътиборини тортди, деб хабар беради A Bola.
Испанлар яқин кунларда футболчи учун таклиф билан чиқишлари кутилмоқда. "Брага" уни 40 миллион еврога баҳоламоқда, аммо "матрасчилар" шартномага учта футболчини киритмоқчи, улардан бири ижарага берилади.
"Брага" аллақачон "Боруссия Дортмунд" ва "Аякс" таклифларини рад этган, "Ньюкасл" ҳам унга қизиқиш билдиришмоқда.
Фернандеш Португалия чемпионати, кубоги ва суперкубоги тарихидаги энг ёш дебютант, шунингдек, "Брага" тарихидаги энг ёш гол муаллифи ҳисобланади. Ўтган мавсумда у 28 та ўйинда 8 та гол урди ва 1 та голли узатмани амалга оширди.
