Yarim himoyachi Sesk Fabregas faoliyatini "Komo"da davom ettiradi, deya xabar beradi jurnalist Fabrisio Romano.
Manbaga ko‘ra, B seriya klubi 35 yoshli ispaniyalik bilan og‘zaki kelishuvga erishgan. Taxminlarga ko‘ra, yarim himoyachi avgust oyida Italiyaga uchib ketadi va u yerda tibbiy ko‘rikdan o‘tadi. Sesk 2024 yilning yoziga qadar shartnoma imzolaydi.
O‘tgan mavsumda Fabregas Fransiya 1-ligasining ikkita o‘yinida qatnashib, gol ura olmagan. U "Monako" safida jami 68 ta o‘yin o‘tkazib, 4 ta gol va 9 ta golli uzatmani amalga oshirgan. Ispaniyalik futbolchi 18 iyun kuni fransuz klubini tark etdi.
