Ярим ҳимоячи Сеск Фабрегас фаолиятини "Комо"да давом эттиради, дея хабар беради журналист Фабрицио Романо.
Манбага кўра, Б серия клуби 35 ёшли испаниялик билан оғзаки келишувга эришган. Тахминларга кўра, ярим ҳимоячи августь ойида Италияга учиб кетади ва у ерда тиббий кўрикдан ўтади. Сеск 2024 йилнинг ёзига қадар шартнома имзолайди.
Ўтган мавсумда Фабрегас Франция 1-лигасининг иккита ўйинида қатнашиб, гол ура олмаган. У "Монако" сафида жами 68 та ўйин ўтказиб, 4 та гол ва 9 та голли узатмани амалга оширган. Испаниялик футболчи 18 июнь куни француз клубини тарк этди.
