Londonning "Arsenal" klubi o‘z darvozaboni Bernd Lenoni saqlab qolmoqchi yoki hech bo‘lmaganda uning sotuvidan pul ishlab topmoqchi. "Kanonirlar" "Fulxem"dan futbolchi bo‘yicha taklifni rad etishdi.

Asosiy tarkibdagi o‘rnini yo‘qotgan germaniyalik darvozabon uchun taxminan 7 million funt sterling taklif qilishdi. Yana 3 million "Arsenal" qo‘shimcha to‘lovlar ko‘rinishida oladi.

Lenoning "kanonirlar" bilan shartnomasi 2023 yilning yozida yakuniga yetadi. O‘tgan mavsumda darvozabon jamoasi tarkibida bor-yo‘g‘i 8 ta o‘yinda maydonga tushib, 11 ta gol o‘tkazib yubordi va uchta uchrashuvda darvozasi daxlsizligini saqlab qoldi.