Italiyaning «Roma» klubi o‘zbekistonlik hujumchisi Eldor Shomurodov jamoani tark etishi mumkin.

Italiya poytaxti vakillari yozgi transferlar oynasi oxirigacha Eldor Shomurodov hamda Matias Vinyani sotish bo‘yicha ish olib borishini ma’lum qilishgan. Bu haqda «RomaPress» nashri klubga yaqin manbalarga tayangan holda xabar bergan.

Ma’lumotlarga ko‘ra, futbolchilar «Roma»ning mavsumoldi o‘rtoqlik o‘yinlari paytida hamda mashg‘ulotlarida o‘zini ko‘rsata olmagan va shu sababli klub rahbarlari ularni sotishga qaror qilgan.

Ma’lumot uchun, Shomurodov o‘tgan mavsum A seriyaning 28 o‘yinida maydonga tushib, 3 ta gol hamda 4 ta golli uzatmaga mualliflik qilgan. Hujumchi rimliklar safiga 2021 yilning avgustida «Jenoa»dan kelib qo‘shilgan edi.