Belgiya terma jamoasi himoyachisi Jeyson Denayer yaqin vaqt ichida "Torino"ga o‘tishi mumkin.
Jurnalist Janluka di Marsioning fikricha, futbolchining yangi klubga o‘tishdagi asosiy omili - bu o‘yin amaliyoti. Denayer o‘z terma jamoasi bilan Qatarda bo‘lib o‘tadigan Jahon chempionatiga borish uchun ko‘p o‘yin amaliyotiga ega bo‘lmoqchi.
Eslatib o‘tamiz, 27 yoshli belgiyalik futbolchi "Lion"ni erkin agent sifatida tark etgandi. U 2018 yildan buyon klub safida to‘p surdi va barcha turnirlarda 137 ta o‘yin o‘tkazib, 8 ta gol urdi va 2 ta golli uzatmani amalga oshirdi.
