"Barselona" "Chelsi" qanot himoyachisi Sezar Aspilikuetani o‘z safiga qo‘shib olmoqchi, deya xabar berdi Catalunya Radio.
Manbaga ko‘ra, kataloniyaliklar bosh murabbiyi Xavi Aspilikuetaga uni "Chelsi"dan sotib olishga va’da berdi. Bu transferning Kunde transferiga aloqasi yo‘q.
Shuningdek, Xavi unga "Chelsi" bilan yuz berayotgan voqealarga sabrli bo‘lishini ta’kidladi.
32 yoshli himoyachi Transfermarkt portali tomonidan 9 millionga baholangan. Uning "aristokratlar" bilan shartnomasi 2023 yilda yakunlanadi.