"Manchester Yunayted" "Yuventus"ning hujumchi Antoni Marsyal bo‘yicha taklifini rad etdi.
Oldinroq "Yunayted" bosh murabbiyi Erik ten Xag yangi mavsumda fransiyalik hujumchiga umid bog‘lashini aytgandi.
26 yoshli fransiyalik futbolchining amaldagi shartnomasi 2025 yilgacha mo‘ljallangan. Transfermarkt portali futbolchining narxini 16 million yevroga baholamoqda.
O‘tgan mavsumda Marsyal yanvar oyidan boshlab "Sevilya"da ijara asosida o‘ynadi. U ispan klubi safida 12 ta o‘yinda 1 ta gol urdi va 1 ta golli uzatmani amalga oshirdi.
