“Tottenxem” himoyachisi Jafet Tanganga “Milan” bilan shartnoma borasida kelishib oldi. Calciomercato xabariga ko‘ra, hozirda angliyalik klublar tovon puli bo‘yicha o‘zaro kelishib olishlarini kutmoqda.
Tanganga "Tottenxem" bosh murabbiyi Antonio Kontening rejalariga kiritilmagan. Kataloniyaning "Barselona" jamoasidan ijara asosida "shporlar" safiga qo‘shilgan Klement Lengle kelganidan keyin Tanganga uchun vaziyat yanada og‘irlashdi.
Tanganga Joze Mourinyo qo‘l ostida “Tottenxem”ning asosiy o‘yinchisiga aylandi, biroq Antonio Konte kelishi bilan ingliz yigitining roli ikkinchi planga tushib qoldi. Futbolchi qishda "Milan"ga ketishi mumkin edi, ammo keyin klublar kelisha olishmagandi.
