"PSJ" himoyachisi Presnel Kimpembe jamoada qolishga va asosiy tarkib uchun kurashni davom ettirishga qaror qildi. Bu haqda Fransiyaning Le 10 Sport nashri xabar bermoqda.
Eslatib o‘tamiz, Kimpembe "Chelsi"ning asosiy transfer maqsadlaridan biri edi. "Ko‘klar" bosh murabbiyi Tomas Tuxel fransiyalik futbolchi bilan "Stemford Bridj"da uchrashmoqchi edi, ammo u rad javobini berdi.
Kimpembening "PSJ" asosiy jamoasidagi o‘rni kelasi mavsumdan boshlab xavf ostida qoladi. Germaniyaning “Leypsig” klubidan Nordi Mukiyele jamoaga kelib qo‘shilgan, biroq qo‘shimchasiga parijliklar “Inter”dan himoyachi Milan Shkrinyarni ham 70 million yevro evaziga sotib olishni rejalashtirgan.
