"ПСЖ" ҳимоячиси Преснел Кимпембе жамоада қолишга ва асосий таркиб учун курашни давом эттиришга қарор қилди. Бу ҳақда Франциянинг Le 10 Sport нашри хабар бермоқда.
Эслатиб ўтамиз, Кимпембе "Челси"нинг асосий трансфер мақсадларидан бири эди. "Кўклар" бош мураббийи Томас Тухель франциялик футболчи билан "Стемфорд Бридж"да учрашмоқчи эди, аммо у рад жавобини берди.
Кимпембенинг "ПСЖ" асосий жамоасидаги ўрни келаси мавсумдан бошлаб хавф остида қолади. Германиянинг “Лейпциг” клубидан Норди Мукиеле жамоага келиб қўшилган, бироқ қўшимчасига парижликлар “Интер”дан ҳимоячи Милан Шкриньярни ҳам 70 миллион евро эвазига сотиб олишни режалаштирган.
