Italiyaning “Inter” klubi niderlandiyalik himoyachi Stefan de Vreyning agenti bilan yangi shartnoma borasida muzokaralarni boshladi, deb xabar bermoqda Corriere dello Sport.
30 yoshli himoyachi bilan amaldagi shartnoma kelasi yili yakuniga yetadi. Yangi shartnoma tafsilotlari yozgi transfer oynasi tugaganidan keyin muhokama qilinadi.
De Vrey Milanda baxtli. U shartnomasini uzaytirish va “neradzurrilar” bilan qolishni davom ettirish haqida o‘ylamoqda.
Oldinroq futbolchiga Londonning "Chelsi" klubi qiziqish bildirayotgani, uni ingliz klubini tark etgan Antonio Ryudigerga o‘rinbosar sifatida ko‘rayotgani haqida xabar berilgandi.
30 yoshli De Vrey 2018 yildan buyon “Inter” safida to‘p suradi. 2021/2022 yilgi mavsumda futbolchi 41 ta o‘yinda maydonga tushib, bitta gol urdi va golli uzatmani amalga oshirdi.