Италиянинг “Интер” клуби нидерландиялик ҳимоячи Стефан де Врейнинг агенти билан янги шартнома борасида музокараларни бошлади, деб хабар бермоқда Corriere dello Sport.

30 ёшли ҳимоячи билан амалдаги шартнома келаси йили якунига етади. Янги шартнома тафсилотлари ёзги трансфер ойнаси тугаганидан кейин муҳокама қилинади.

Де Врей Миланда бахтли. У шартномасини узайтириш ва “нерадзуррилар” билан қолишни давом эттириш ҳақида ўйламоқда.

Олдинроқ футболчига Лондоннинг "Челси" клуби қизиқиш билдираётгани, уни инглиз клубини тарк этган Антонио Рюдигерга ўринбосар сифатида кўраётгани ҳақида хабар берилганди.

30 ёшли Де Врей 2018 йилдан буён “Интер” сафида тўп суради. 2021/2022 йилги мавсумда футболчи 41 та ўйинда майдонга тушиб, битта гол урди ва голли узатмани амалга оширди.