Kicker xabariga ko‘ra, "Leypsig" "Chelsi" hujumchisi Timo Vernerni qaytarishga tayyor.
Manbaning xabariga ko‘ra, nemis klubi 26 yoshli germaniyalikning transferi ustida ish boshlagan.
Qayd etilishicha, ingiliz klubi bosh murabbiyi Tomas Tuxel hujumchining ketishiga qarshi.
Shu bilan birga, Vernerning o‘zi "Leypsig"ga qaytishni xohlaydi.
Eslatib o‘tamiz, Verner 2020 yilning 1 iyulida "Leypsig"dan "Chelsi"ga o‘tgan edi. O‘tgan mavsumda hujumchi "aristokratlar" safida 37 ta o‘yinda 11 ta gol urdi va 6 ta golli uzatmani amalga oshirdi. Nemisning klub bilan shartnomasi 2025 yilning 30 iyuniga qadar amal qiladi.