Kicker хабарига кўра, "Лейпциг" "Челси" ҳужумчиси Тимо Вернерни қайтаришга тайёр.
Манбанинг хабарига кўра, немис клуби 26 ёшли германияликнинг трансфери устида иш бошлаган.
Қайд этилишича, ингилиз клуби бош мураббийи Томас Тухель ҳужумчининг кетишига қарши.
Шу билан бирга, Вернернинг ўзи "Лейпциг"га қайтишни хоҳлайди.
Эслатиб ўтамиз, Вернер 2020 йилнинг 1 июлида "Лейпциг"дан "Челси"га ўтган эди. Ўтган мавсумда ҳужумчи "аристократлар" сафида 37 та ўйинда 11 та гол урди ва 6 та голли узатмани амалга оширди. Немиснинг клуб билан шартномаси 2025 йилнинг 30 июнига қадар амал қилади.
