"Ferensvarosh" bosh murabbiyi Stanislav Cherchesov Chempionlar ligasining saralash bosqichi haqidagi fikrlari bilan o‘rtoqlashdi.
"Endi g‘alabadan keyin biz o‘zimizga faqat Konferensiyalar ligasini kafolatladik. Yevropa ligasiga aniq yo‘l olish uchun biz uchinchi bosqichdan albatta o‘tishimiz kerak", deya Cherchesovning so‘zlarini keltiradi Chempionat.
Mutaxassisning fikricha, Chempionlar ligasi nomini o‘zgartirish kerak, chunki "Ferensvarosh" chempion, guruhlarda esa o‘z chempionati turnir jadvalida beshinchi yoki oltinchi o‘rinlarni egallaganlar bunday bo‘lmasligi kerak.
Cherchesovning ta’kidlashicha, mamlakat chempioniga hattoki Konferensiyalar ligasida ham ishtirok etish kafolatlanmagan bo‘lsa, bu normal holat emas.
