Himoyachi Mario Gaspar “Vilyarreal”ni tark etdi, deb xabar bermoqda ispan klubi matbuot xizmati.

"Vilyarreal"ning 31 yoshli tarbiyalanuvchisi ushbu klubda 15 mavsum o‘tkazdi. Klub bilan birgalikda himoyachi 2020/21 yilgi mavsumda Yevropa ligasida g‘olib chiqqan.

Gaspar “Vilyarreal”ning asosiy jamoasi safida barcha musobaqalarda jami 421 ta o‘yin o‘tkazib, 11 ta gol urdi va 26 ta golli uzatmani amalga oshirdi.

O‘tgan mavsumda "Vilyarreal" Ispaniya chempionatida 7-o‘rinni egallagan, shuningdek, Chempionlar ligasining yarim finaliga qadar etib borgan va u yerda "Liverpul"ga umumiy hisobda mag‘lub bo‘lgan (2:5).