Ҳимоячи Марио Гаспар “Вильярреал”ни тарк этди, деб хабар бермоқда испан клуби матбуот хизмати.
"Вильярреал"нинг 31 ёшли тарбияланувчиси ушбу клубда 15 мавсум ўтказди. Клуб билан биргаликда ҳимоячи 2020/21 йилги мавсумда Европа лигасида ғолиб чиққан.
Гаспар “Вильярреал”нинг асосий жамоаси сафида барча мусобақаларда жами 421 та ўйин ўтказиб, 11 та гол урди ва 26 та голли узатмани амалга оширди.
Ўтган мавсумда "Вильярреал" Испания чемпионатида 7-ўринни эгаллаган, шунингдек, Чемпионлар лигасининг ярим финалига қадар этиб борган ва у ерда "Ливерпул"га умумий ҳисобда мағлуб бўлган (2:5).
