"Manchester Yunayted" bosh murabbiyi Erik ten Xag jamoaga yana to‘rt nafar yangi futbolchini qo‘shib olmoqchi. Jurnalist Samuel Lakxurstning fikricha, “qizil iblislar” murabbiy uchun zaxira darvozaboni, yarim himoyachi va hujumdagi ikki futbolchini sotib olishga harakat qiladi.
Eslatib o‘tamiz, avvalroq "Manchester Yunayted" uchta yangi o‘yinchi bilan shartnoma imzolagan edi: "Ayaks"dan Lisandro Martines, "Brentford"dan erkin agent sifatida Kristian Eriksen va "Feyenoord"dan Tirell Malasia.
Aniq nomlarga to‘xtaladigan bo‘lsak, "Manchester Yunayted" hozirda Denzel Dyumfris, Benjamin Sheshko va Frenki de Yong transferlari ustida ishlamoqda.