Yozgi transfer oynasi yopilishiga bir kun qolganda “Metallurg” PFK o‘z tarkibiga O‘zbekiston U-20 terma jamoasi o‘yinchisi Mirkomil Abdurazzoqovni qo‘shib oldi (Izoh: suratda yuqori qator, 6-raqamda). “Paxtakor” futbol klubi tarbiyalanuvchisi Mirkomil Abdurazzoqov “Metallurg” tarkibida ijara asosida to‘p suradigan bo‘ldi.

Mirkomil Abdurazzoqov 18 yoshda. 2004 yilning 26 yanvar sanasida Farg‘ona viloyatida tavallud topgan. Ampluasi — himoyachi. Mirkomil “Paxtakor U-21” jamoasi tarkibida birinchi davraning 8 ta uchrashuvida maydonga tushdi. 1 ta gol kiritdi. 3 marta ogohlantirildi. Asosiy tarkib uchrashuvlarida qaydnomaga kiritilgan bo‘lsa-da, o‘yin amaliyotiga ega bo‘lmadi.