Sharl de Ketelare tez orada milanlik futbolchiga aylanadi.
"Bryugge" va "Milan" uzoq davom etgan muzokaralardan so‘ng 21 yoshli hujumkor yarim himoyachining transferi bo‘yicha to‘liq kelishuvga erishdi, deya xabar beradi insayder Fabrisio Romano.
Shartnoma shu hafta oxirigacha yakunlanadi va tasdiqlanadi. De Ketelare bir necha hafta oldin "Milan" bilan shaxsiy shartnoma shartlarini kelishib olgandi.
Shartnoma 2027 yilgacha mo‘ljallangan. Transfer narxi taxminan 35 million yevroni tashkil qiladi.
Sharl de Ketelare "Bryugge" safida barcha musobaqalarda 120ta o‘yinda maydonga tushib, 25ta gol va 20ta golga assistentlik qilgan. Belgiya terma jamoasi tarkibida yarim himoyachi 8 o‘yin o‘tkazib, bir marta gol urgan.