Шарл де Кетеларе тез орада миланлик футболчига айланади.
"Брюгге" ва "Милан" узоқ давом этган музокаралардан сўнг 21 ёшли ҳужумкор ярим ҳимоячининг трансфери бўйича тўлиқ келишувга эришди, дея хабар беради инсайдер Фабрицио Романо.
Шартнома шу ҳафта охиригача якунланади ва тасдиқланади. Де Кетеларе бир неча ҳафта олдин "Милан" билан шахсий шартнома шартларини келишиб олганди.
Шартнома 2027 йилгача мўлжалланган. Трансфер нархи тахминан 35 миллион еврони ташкил қилади.
Шарл де Кетеларе "Брюгге" сафида барча мусобақаларда 120та ўйинда майдонга тушиб, 25та гол ва 20та голга ассистентлик қилган. Бельгия терма жамоаси таркибида ярим ҳимоячи 8 ўйин ўтказиб, бир марта гол урган.