Italiyaning “Napoli” klubi hujumchi Jakomo Raspadori bilan shaxsiy shartlarni kelishib oldi va “Sassuolo” bilan futbolchining transfer narxi bo‘yicha muzokara olib borishga harakat qilmoqda.
Shartnoma 2027 yilning yoziga qadar amal qiladi, maoshlar oshkor etilmagan. Oldinroq "Sassuolo" sport direktori Jovanni Karnevali "Napoli" bilan muzokaralar olib borilayotganini tasdiqlagandi. Italiyalik futbolchining amaldagi shartnomasi 2024 yilda yakuniga yetadi.
O‘tgan mavsumda Raspadori A Seriyada 36 ta o‘yinda maydonga tushib, 10 ta gol urdi va 6 ta golli uzatmani amalga oshirdi. Hujumchi "Sassuolo" tarbiyalanuvchisi bo‘lib, klubning yoshlar akademiyasidan o‘tgan. Taxminlarga ko‘ra, rahbariyat futbolchi uchun taxminan 25 million yevro so‘raydi.
