Италиянинг “Наполи” клуби ҳужумчи Жакомо Распадори билан шахсий шартларни келишиб олди ва “Сассуоло” билан футболчининг трансфер нархи бўйича музокара олиб боришга ҳаракат қилмоқда.
Шартнома 2027 йилнинг ёзига қадар амал қилади, маошлар ошкор этилмаган. Олдинроқ "Сассуоло" спорт директори Жованни Карневали "Наполи" билан музокаралар олиб борилаётганини тасдиқлаганди. Италиялик футболчининг амалдаги шартномаси 2024 йилда якунига етади.
Ўтган мавсумда Распадори А Серияда 36 та ўйинда майдонга тушиб, 10 та гол урди ва 6 та голли узатмани амалга оширди. Ҳужумчи "Сассуоло" тарбияланувчиси бўлиб, клубнинг ёшлар академиясидан ўтган. Тахминларга кўра, раҳбарият футболчи учун тахминан 25 миллион евро сўрайди.
