"Barselona" prezidenti Joan Laporta "Manchester Siti" yarim himoyachisi Bernardu Silvani yoqtirishini aytdi.
Avvalroq, Kataloniya klubi Silvani shu yozda o‘z safiga qo‘shib olmoqchi ekani haqida xabar berilgandi.
“Silva juda yaxshi futbolchi. Biroq, uning "Manchester Siti"ga tegishli ekanligini hurmat qilishimiz kerak. U yerda mening Pep Gvardiola, Tiksi Bergshteyn va Xaldun Al Muborak kabi do‘stlarim bor", - deya Laporta so‘zlaridan iqtibos keltirgan CBC Sports.
Bernardu o‘tgan mavsumda “Manchester Siti” safida 50 ta o‘yinda maydonga tushib, 13 ta gol urdi va 7 ta golli uzatmani amalga oshirdi.