"Chelsi" hujumchisi Timo Verner "Leypsig"ga qaytishni istamoqda. Tomonlar sotib olish imkoniyati bilan ijara shartnomasi bo‘yicha muzokaralar olib bormoqda.
Bild xabariga ko‘ra, 26 yoshli forvard nemis klubiga o‘tish uchun maoshini 50 foizga kamaytirishga rozi bo‘lgan.
Vernerning amaldagi shartnomasi 2025 yilgacha mo‘ljallangan. Transfermarkt portali futbolchining narxini 35 million yevroga baholamoqda.
Verner o‘tgan mavsumda barcha turnirlarda 37 ta o‘yinda maydonga tushib, 11 ta gol urdi va 6 ta golli uzatmani amalga oshirdi.
