«PSJ» hujumchisi Arno Kalimuendo uchta klubning e’tiboriga tushgan. Jurnalist Adriyen Greniyerning so‘zlariga ko‘ra, futbolchiga "Renn", "Lids" va Londonning "Vest Xem" klublari da’vogarlik qilmoqda.
Kalimuendoning o‘zi ham bosh murabbiy Kristof Galtyening rejalariga kiritilmagani allaqachon ma’lum qilingan.
Futbolchi, o‘z navbatida, bunday raqobat sharoitida o‘yin vaqtini topa olmasligini yaxshi tushunadi.
Kalimuendo o‘tgan mavsumni ijara asosida "Lens" safida o‘tkazgan va Fransiya chempionatida 12 ta gol urgan edi. Avvalroq futbolchi o‘rtoqlik o‘yinida "PSJ" darvozasini ishg‘ol qilgandi.