“Arsenal” hujumchisi Gabriel Jezus yangi jamoasi safida yana ikkita gol urdi. Braziliyalik futbolchi bu safar Ispaniyaning “Sevilya” jamoasiga qarshi "Emireyts Kubogi" finalida gol urdi.
Eslatib o‘tamiz, avvalgi mavsumoldi o‘yinlarda Jezus 4 uchrashuvda 4 ta gol urgan edi. Futbolchi “Nyurnberg”, “Everton”, “Chelsi” kabi jamoalar darvozasini ishg‘ol etgandi.
Jezusning transferi Londonning “Arsenal” klubiga 50 million yevroga tushdi. Braziliyalik futbolchining "Manchester Siti" bilan shartnomasi tugashiga bir yil qolgandi. Futbolchi Xulian Alvares va Erling Xolandning transferlari fonida “shaharliklar” bilan shartnomani uzaytirmaslikka qaror qildi.
