Davralar oralig‘idagi tanaffus paytida o‘z tarkibini kuchaytirishga harakat qilayotgan “Navbahor” tarkibiga yozgi transfer “oynasi” yopilishiga sanoqli daqiqalar qolganida yana bir legioner qo‘shildi.

Bu jamoa muxlislariga yaxshi tanish bo‘lgan rossiyalik hujumchi Aleksandr Kasyan.

Kasyan 1989 yilning 27 yanvarida Ukrainaning Donesk viloyatida tavallud topgan. Futbolchilik faoliyati davomida Ukrainaning “Ilicheves” (Mariupol), “Shaxtyor” (Donesk), “Zarya” (Lugansk), “Karpati” (Lvov), Rossiyaning “Tom” (Tomsk), “Ximik” (Dzerjinsk), “Fakel” (Vorenej), “Baltika” (Kaliningrad) va Kurskning “Avangard” jamoalarida to‘p surgan.

Shuningdek, Ukraina U-17 hamda Ukraina U-21 terma jamoalarida ham o‘ynagan.

2019 yildan yurtimizda faoliyatini boshlagan Aleksandr Kasyan shu yili “Navbahor” tarkibiga qo‘shilib, “lochinlar” safida 24 ta o‘yinda maydonga tushib, 10 ta gol urgan va bitta golga assistentlik qilgan.

Ukrainalik hujumchi 2020 yilgi mavsumni Termizning “Surxon” jamoasida o‘tkazib, termizliklar tarkibida 25 ta bahsda maydonga tushib, 8 ta gol urdi.

Aleksandr Kasyan o‘tgan mavsumda Olmaliqning AGMK klubi safiga qo‘shiladi va ayni paytgacha olmaliqliklar tarkibida 31 ta o‘yinda 6 ta gol urdi.

Joriy mavsumning 1-davrasi uchrashuvlarida tajribali hujumchi AGMK tarkibida 10 ta bahsda maydonda harakat qildi.