Pro Liga vakili "Turon" jamoasi ikki nafar futbolchini o‘z safiga qo‘shib olganini e’lon qildi.
"Xabaringiz bor, mavsumning qolgan qismiga jiddiy hozirlik ko‘rayotgan jamoamiz yozgi transferlar oynasi vaqtida tarkibga bir qator yangi futbolchilarni qo‘shib oldi. Jumladan, faoliyati davomida "So‘g‘diyona", "Andijon", "Sho‘rtan", "Zomin", "Yangiyer" kabi jamoalar safida o‘ynagan tajribali himoyachi Qahramon Bahodirov klubimiz bilan rasmiy shartnomaga imzo chekdi.
Shuningdek, Toshkentning "Paxtakor" klubi tarbiyalanuvchisi va O‘zbekiston U-20 terma jamoasi a’zosi hisoblangan yosh qanot himoyachisi Izzatillo Po‘latov klubimiz bilan rasmiy shartnomaga imzo chekdi.
Klubimiz vakillari va barcha muxlislar nomidan Qahramon Baxodirova va Izzatillo Po‘latovlarning jamoamizdagi faoliyatida ulkan zafarlar yor bo‘lishini tilab qolamiz." - deyiladi "Turon" klubining rasmiy bayonotida.
