Про Лига вакили "Турон" жамоаси икки нафар футболчини ўз сафига қўшиб олганини эълон қилди.

"Хабарингиз бор, мавсумнинг қолган қисмига жиддий ҳозирлик кўраётган жамоамиз ёзги трансферлар ойнаси вақтида таркибга бир қатор янги футболчиларни қўшиб олди. Жумладан, фаолияти давомида "Сўғдиёна", "Андижон", "Шўртан", "Зомин", "Янгиер" каби жамоалар сафида ўйнаган тажрибали ҳимоячи Қаҳрамон Баҳодиров клубимиз билан расмий шартномага имзо чекди.

Шунингдек, Тошкентнинг "Пахтакор" клуби тарбияланувчиси ва Ўзбекистон U-20 терма жамоаси аъзоси ҳисобланган ёш қанот ҳимоячиси Иззатилло Пўлатов клубимиз билан расмий шартномага имзо чекди.

Клубимиз вакиллари ва барча мухлислар номидан Қаҳрамон Баходирова ва Иззатилло Пўлатовларнинг жамоамиздаги фаолиятида улкан зафарлар ёр бўлишини тилаб қоламиз." - дейилади "Турон" клубининг расмий баёнотида.