Superliga 2-davrasining dastlabki turidan o‘rin olgan “Viloyat derbisi”da “Qo‘qon-1912” va “Neftchi” klublari Yaypanda to‘qnash kelishadi.
Mazkur jamoalarning o‘zaro o‘yinlardagi statistik ma’lumotlarni e’tiboringizga havola etamiz.
30-uchrashuv arafasida:
Ushbu jamoalar O‘zbekiston chempionatlarida shu kunga qadar 29 bora to‘qnash kelishgan. “Neftchi” 19 ta o‘yinda g‘olib bo‘lgan, 4 marta durang qayd etilgan. “Qo‘qon-1912” bu raqibni olti marta mag‘lub etgan. To‘plar nisbati “Neftchi” tomonida – 70:36. O‘zaro o‘yinlarda “Neftchi” 63 ochkoga ega bo‘lgan bo‘lsa, “Qo‘qon-1912” 21 ochkoni qo‘lga kiritgan.
Superliganing bu mavsumdagi 1 turidan o‘rin olgan “Neftchi” - “Qo‘qon-1912” uchrashuvi ham Yaypandagi “O‘zbekiston” stadionida bo‘lib o‘tgan edi. O‘sha bahsning 89-daqiqasida Shahzodbek Ubaydullayev penaltidan gol kiritib “Neftchi” jamoasining g‘alabasini ta’minlagan.
“Qo‘qon-1912” mezbonligida bo‘lib o‘tgan so‘nggi olti uchrashuv:
10.05.2018 «Qo‘qon-1912» – «Neftchi» 1:1
26.08.2017 «Qo‘qon-1912» – «Neftchi» 3:1
22.10.2016 «Qo‘qon-1912» – «Neftchi» 2:1
19.06.2015 «Qo‘qon-1912» – «Neftchi» 1:2
20.05.2003 «Qo‘qon-1912» – «Neftchi» 2:4
03.08.2002 «Qo‘qon-1912» – «Neftchi» 0:4
