Garet Beyl MLSda darhol shou ko‘rsatishga tushdi - uelslik yulduzga buning uchun to‘pga 2 marta teginish kifoya qildi.
Qisqasi, uzoq tortishuv va muhokamalardan keyin «Real» bilan xayrlashib, okean ortiga yo‘l olgan golf shaydosi bir urinishda aslida nimalarga qodirligini ko‘rsatib qo‘ydi.
Manfaatli shartnoma asosida «Los-Anjeles» safini to‘ldirgan «Uels shahzodasi» o‘tgan dam olish kuni yangi chempionatda debyut qildi. Aniqroq aytsak, Beyl «Neshvill»ga qarshi bahsda zaxiradan maydonga tushdi. Asosiysi, final hushtagi yangrashiga atigi 18 daqiqa qolgan pallada o‘yinga qo‘shilgan «dangasa yulduz» hammani hayratga solish uddasidan chiqdi, baribir. Qisqasi, faxriy yarim himoyachi|hujumchi to‘pga birinchi teginishdayoq kichik shou namoyish edi - qanotda tovoni bilan nafis uzatmasini amalga oshirdi. Tabiiyki, shu lahzada stadion portladi, go‘yo. Har holda, «Santyago Bernabeu»dan farqli o‘laroq, u yerda Beylni juda yaxshi ko‘rishadi (hozircha shunday).
Beyl o‘yindan so‘ng ma’lum vaqt muxlislarga dastxat berish bilan shug‘ullandi va yakunda o‘z taassurotlari bilan o‘rtoqlashdi: «Debyut lahzalarini sabrsizlik bilan kutdim. Zaxira o‘rindig‘ida qanday o‘tirganimni tavsiflab berolmayman - jamoaga tezroq yordam berishni xohladim, ishtiyoqim jo‘shib ketdi... Hozir sport formasini tiklashim juda muhim. Hozir Yevropada mavsumlar oralig‘i, shunday ekan, bir necha daqiqa o‘ynab, yakunda g‘alabani tantana qilganimiz ajoyib bo‘ldi». Ha, «Los-Anjeles» yakunda «Neshvill»ni 2:1 hisobida yengdi.
