Italiyaning “Napoli” klubi o‘z darvozaboni Aleks Meret bilan shartnomani uzaytirishga yaqin turibdi. Jurnalist Nikolo Skiraning so‘zlariga ko‘ra, tomonlar 2027 yilning yoziga qadar amal qiladigan yangi shartnoma bo‘yicha kelishib olgan.
Yangilangan shartnomaga ko‘ra, Meret yiliga 1,5 million yevro ishlab oladi. Ammo shu bilan birga, darvozabon kelasi mavsumda tarkib uchun kurashda unga kim raqib bo‘lishini aniqlamaguncha o‘z imzosini qo‘ymaydi. Oldinroq bir qator manbalar "Chelsi"dan Kepa Arrizabalaga ijara asosida "Napoli"ga o‘tishga juda yaqin ekanligini xabar qilgandi.
