Niderlandiyaning "PSV" klubi bosh murabbiyi Rud van Nistelroy Chempionlar ligasi 3-saralash bosqichida Fransiyaning “Monako” jamoasiga qarshi kechadigan o‘yin arafasidagi fikrlari bilan o‘rtoqlashdi.
“Superkubokdagi g‘alabamizdan so‘ng ajoyib kayfiyatdamiz. Bunday g‘alabalar jamoaga ijobiy ta’sir ko‘rsatadi. Hozir “Monako” bilan uchrashuvimiz bor. Bu raqib hujumda sifatga ega. Biz bunga e’tibor qaratishimiz kerak. Bu o‘yinlarda qobiliyatimiz cho‘qqisida bo‘lishimiz kerak. Maqsadim – Chempionlar ligasining guruh bosqichiga yo‘llanma olish”, — dedi van Nistelroy Vi.nl sayti bilan suhbatda.
Birinchi o‘yin Monakoda bugun Toshkent vaqti bilan soat 23:00da boshlanadi.
