"Chelsi" "Sautgempton" himoyachisi Kayl Uoker-Pitersga qiziqish bildirmoqda, deya xabar beradi jurnalist Fabrisio Romano.

Manbaga ko‘ra, "ko‘klar" 25 yoshli angliyalik futbolchiga qiziqish bildirayotganiga qaramay, "Chelsi"ning o‘ng qanot himoyasiga asosiy nomzod "Inter" futbolchisi Denzel Dyumfris bo‘lib qolmoqda, uning transferi bo‘yicha London klubi haligacha taklif bildirmagan.

Avvalroq Uoker-Pitersga "Everton", "Manchester Yunayted", "Tottenxem" va "Arsenal" klublari qiziqish bildirayotgani haqida xabar berilgandi. "Avliyolar" o‘z futbolchisini 46 million yevroga baholamoqda.

Himoyachi o‘tgan mavsumda "Sautgempton" safida 37 ta o‘yinda maydonga tushib, 2 ta gol urdi va 4 ta golli uzatmani amalga oshirdi.