"Челси" "Саутгемптон" ҳимоячиси Кайл Уокер-Питерсга қизиқиш билдирмоқда, дея хабар беради журналист Фабрицио Романо.
Манбага кўра, "кўклар" 25 ёшли англиялик футболчига қизиқиш билдираётганига қарамай, "Челси"нинг ўнг қанот ҳимоясига асосий номзод "Интер" футболчиси Дензел Дюмфрис бўлиб қолмоқда, унинг трансфери бўйича Лондон клуби ҳалигача таклиф билдирмаган.
Аввалроқ Уокер-Питерсга "Эвертон", "Манчестер Юнайтед", "Тоттенхэм" ва "Арсенал" клублари қизиқиш билдираётгани ҳақида хабар берилганди. "Авлиёлар" ўз футболчисини 46 миллион еврога баҳоламоқда.
Ҳимоячи ўтган мавсумда "Саутгемптон" сафида 37 та ўйинда майдонга тушиб, 2 та гол урди ва 4 та голли узатмани амалга оширди.